快速睇咗啲討論。

痴鳩線到罰班寫手戴電子腳鐐，性犯罪者都未至於，呢種懲罰同以前大字報迫人遊街嘅本質係一鳩樣，就係人格羞辱，徹底摧毀一個人嘅自尊。

而我覺得大陸會針對嗰啲寫小說嘅女寫手，除咗真係無錢而要罰佢地錢之外，另一個重要嘅原因應該係迫啲女人結婚生仔，因為大陸嘅生育率依家係低到仆街。

如果女人睇文已經滿足晒對戀愛嘅渴望，咁又點會選擇生細路？因此老強都判得輕過寫文，因為老強都仲有機會可以生細路，睇文嗰班女人唔去生呀。

10年代香港開始出現嚴重嘅中港矛盾嘅時候我就同家父討論過，當呢個國家當日可以迫人墮胎滿足一孩政策嘅時候，他朝就肯定有惡法迫人生仔，佢仲話我思想偏激，話肯定無可能，無幾耐就出現咗單身稅丁克稅，要班唔結婚生仔嘅人交多筆稅。

當年一孩政策令人殺幾多女嬰，大陸嘅「著名建築」嬰兒塔，咪已經解釋晒如今男多女少嘅禍根喺邊。

要追出生率，並唔係去創造一個更適合居住同有未來嘅環境俾啲人民，而係當女人當豬圈去迫人生仔。

文明社會唔敢諗嘅嘢俾你地諗到晒。
真厲害了我的國。