戲腳友人回港之前，大家討論咗好耐電影。
有一晚我地討論，到底電影最重要嘅係咩？我地都覺得最重要係好睇。

無論創作團隊想討論啲咩深刻議題都好，先用任何敍事手法講好咗個故事應該係最大原則，喺呢個基礎上再去傳遞滲透想講嘅各種大道理完全無問題，但唔好本末倒置。實在反感某啲電影連講好故事嘅能力都無，就想藉住套戲教觀眾點做人，未盡好本份就有泰山壓頂嘅說教味撲面而來，加劇咗觀影時嘅不適感，直白地表達嗰種反感就係：故仔都未撚拍好就想教我做人，你係邊位？

我成日覺得有啲創作人係好有趣，佢地好似以娛樂其他人為恥，係咪因為太怕作品受歡迎就被鞭撻娛樂至死呢？但明明一個作品由無到有到推上戲院，種種都牽涉商業行為，唔賣座就好難有下一套，點解對於娛樂性豐富嘅作品，有咁多人避之唯恐不及？

係咪因為好單純咁將娛樂與低俗掛咗鈎？

如多人從之則為俗，咁當好多人怕俗時候，呢種心態又係咪另類嘅俗氣？

RE: https://www.threads.com/@tsao_shih_han/post/DJS7lwbydHU