今日同一位識咗幾年嘅讀者食飯，大家其實係第一次見面，但因為喺網絡上都傾咗幾年偈，所以都相熟，整個晏晝相談甚歡。

由細個迷上寫作開始，咁多年嚟都枕因為文字而識到唔同地方嘅讀者。有啲識得耐傾得耐，有時旅行或出差去到對方嘅所在地、或者佢地嚟香港、日本嗰時都會相約見面食飯或者飲杯嘢，最長嗰個計返係2011年識到依家，我地都仲保持聯絡，呢幾日先text過嚟問過近況。

有趣嘅係唔少人同我講未試過咁識朋友，又或者意外我真係會應約，有人甚至同我表達過有啲受寵若驚。雖然我係透過寫作識佢地，但我從來覺得大家都係網友咋嘛，無諗過對方竟然會有咁嘅感受。最令我開心又有少少尷尬到唔知俾咩反應嘅嗰次係喺生日收花。因為未試過收女性送嘅花，我唯有捧住紮花傻笑講，咦原來我真係有Fans㗎喎。

寫作為我帶嚟咗唔少嘢，佢係我情感宣洩嘅渠道、整理思緒嘅方式、結識朋友嘅窗口，希望可以為我帶來利潤啦，等我顯化下先😂

寫作真好啊。