即係唔係想話指責啲咩，碌post見到有人話原來有反對派監察咁重要，都真係吓咗出聲，點解會依家先明。

人係有罪性，權力同利益會放大呢啲罪性，所以有公權力嘅機關先至要俾監察，以免濫權同私相授受。對香港嘅QC有信心係因為信得過香港人嗰套監察標準，呢啲先係香港一直以嚟值錢、矜貴嘅地方。

呢單嘢係完整地揭露咗香港曾經引以為傲嘅嗰套標準如今點禮樂崩壞法，當大家見到屋企有維修工程時嘅反應係剪個網落嚟燒下檢測下嘅時候，恰恰反映咗大家已經對個監察系統無信心，要靠自己保命，由此幅射到各方面，動搖大家對各個專業嘅信心。

肚滿腸肥嗰班人真係一啲都唔介意香港死喺佢地手上，香港變到一啲都唔值錢時佢地捲款咪走。

只係難為真係愛香港、想留低生活嘅人。