阿媽嗰邊嘅親戚其實幾多都仲喺大陸生活，大家感情唔錯，不過有起事上嚟都識繞過政治話題，何必講嚟傷感情。當小島都有顏色之分嗰時，我覺得要求牆內牆外對政治嘅睇法高度一致本身就係天荒夜談。

不過，總有覺得好荒謬嘅時候。
有次講起啲貪腐問題，舅父好驚訝咁問我：吓你地唔係有ICAC咩？
我呆咗問佢：你又知咩係ICAC。
佢話：當然啦，ICAC打貪咁出名。

我本身吸咗啖氣想同佢講ICAC嘅歷史係點嚟，機構制度都要靠執行嘅人跟住嚟做先會變得有用，如果心術不正嘅人把持都係形同虛設，所以人治社會點解咁唔靠得住等等……

不過知道講咗就好易上升到其他層面，都只係返去食次飯，所以我就講咗其他嘢。

但有時都會諗，佢地知唔知或者記唔記得，香港其實唔係1997年先爆出嚟知名嘅國際城市，而以前會咁出名嘅原因又係咩。

當連香港人都唔信ICAC嗰時佢地覺得ICAC係救世主，我都真係覺得好滑稽。