從下個月起，大陸會上調避孕套同其他避孕產品嘅價格，相關產品可能面臨最高13%嘅稅率。

首先避孕套唔止為咗避孕而存在，佢仲可以幫手阻隔可以經性接觸而傳染嘅疾病，呢啲係可以預見嘅隱患，同時，因為condom貴咗就唔再用condom嘅人，佢地係處於咩社會階層，而佢地生出嚟嘅仔女又處於咩階層。

見有啲大陸網友痛斥呢啲家庭可以俾到咩愛同好嘅條件俾自己嘅仔女、又會誕生幾多悲劇，但我相信喺國家強大面前呢啲小情小愛通通都要行開，因為大部份嘅佢地只能同父母一樣咁提供廉價勞力。

繁華嘅城市係國家已達盛世嘅示範單位，係光鮮嘅皮相下，廉勞似乎仍然係呢個地方嘅最大賣點。