河北件事睇到心好酸，但心更酸嘅係或者有好多嘅佢地唔會去思考佢地嘅不幸同一個failure嘅統治有關，只會歸咎於自己個人嘅不幸。
呢樣都係我睇中史、中國文學同觀察身邊好多身分認同為中國人嘅老一輩所得，我發現遇到極大不幸嘅人禍嗰時，佢地會質疑天地、質疑自己有冇運行、質疑自己搵唔到錢唔夠本事，但甚少會從社會結構去睇歸根究底嘅原因係管治失效惹來嘅人禍，個鎗頭好少指住管治階層，如果向佢地提出嘅話佢地仲會反過嚟幫口開脫。
我唔清楚到底係教育嘅問題，定佢地就算明知有問題都因為畏懼權威而唔敢講出嚟，有時望住類似嘅悲劇心情真係好複雜，既怒其不爭，但又會諗到底佢地知唔知所謂上大人只係一班由人民支薪嘅公僕，並不需要對佢地卑躬屈膝，亦無什麼大不敬可言。
但有啲嘢係入咗血，滲透喺血液裡嗰種恐懼唔係三言兩語就可以過濾，最後多數落入無話可說嘅寂靜。
If you have a fediverse account, you can quote this note from your own instance. Search https://threads.net/ap/users/17841448729709839/post/18103620964694389/ on your instance and quote it. (Note that quoting is not supported in Mastodon.)