其實想學好歷史，好簡單，唔使搞咁多野：

第一步，揀一個自己有興趣歷史領域，例如係通史或斷代史，國家史或地方史等之類，揀好之後就去搵出名學者 (學者A) 嘅著作黎睇。

第二步，睇完之後，就搵唔同背景或呢位出名學者嘅論敵 (學者B) 著作黎睇，睇下另一種切入點係點寫呢個歷史，同埋點反駁第一位學者嘅觀點。透過呢個方法去擴闊個歷史觀。

第三步，再搵唔同背景或學者A/B/both 嘅論敵 (學者C) 著作黎睇，同樣都係為左睇下另一種切入點係點寫呢個歷史，同埋點反駁其他人觀點，從而擴闊個歷史觀。

之後每一步都係咁，簡單講，學問嘅野，就係不斷嘗試推翻自己所學，然後先會學得多野。推得翻，即係學到個更有價值嘅野，好事黎；推唔翻，會鞏固左原來所學嘅野，都係好事黎。學問好複雜，但追求學問個方法，就好簡單。